Por E.P. | SANTIAGO DE COMPOSTELA | 05/12/2022 | Actualizada ás 13:43
A campaña de vacinación antigripal posta en marcha pola Xunta, que comezou o pasado 10 de outubro e que concluirá o 31 de decembro, alcanzou estes días o obxectivo de cobertura da poboación maior de 65 anos, superando o 75% de vacinados.
Así mesmo, segundo informou Sanidade, no grupo de persoas maiores de 60 anos, a Xunta xa vacinou ao 69,4%, o que supón situarse 3,7 puntos por encima da cobertura obtida no peche da campaña de vacinación do ano anterior.
O obxectivo xeral da campaña, á que o Goberno galego destina 8,6 millóns de euros e 1.017.000 dose, é diminuír o número e a gravidade das complicacións derivadas do padecimiento da gripe, minimizando o efecto na saúde mediante a súa prevención.
A Xunta dispuxo para esta campaña ao redor de 900 puntos de vacinación entre centros de atención primaria e hospitalaria do Sergas, centros médicos e consultas privadas, residencias da terceira idade públicas ou privadas, así como centros penais, unidades de atención a drogodependentes, centros de menores e centros de discapacitados.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.