Por Europa Press / Redacción | SANTIAGO DE COMPOSTELA | 12/12/2022 | Actualizada ás 11:09
A Delegación da Confederación Estatal de Sindicatos Médicos en Galicia (CESM) esixiu ao presidente da Xunta, Alfonso Rueda, a través dunha carta, que "con carácter de urxencia" se arbitren as medidas necesarias para que os facultativos que compatibiliza a súa actividade na sanidade pública e na privada poidan percibir tamén o complemento específico.
O sindicato sinalou nun comunicado que "privar" a estes médicos desa retribución "supón unha clara discriminación ao incumprirse o principio xurídico de 'igual traballo igual salario'".
Ademais, destacou que o Servizo Galego de Saúde (Sergas) "impón a obrigación de renunciar a esta retribución na súa totalidade para poder compatibilizar a súa actividade". Nesta liña, o sindicato fixo fincapé en que os facultativos de Galicia e Asturias son os únicos que non cobran este complemento específico.
Así mesmo, indicou que o ex presidente da Xunta, Alberto Núñez Feijóo, "comprometeuse no seu día a resolver ese agravio, pero ata o momento non se fixo absolutamente nada desde a Administración autonómica".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.