Este martes abre o prazo de axudas para contratar menores de 30 anos en empresas investigadoras e universidades
A previsión o Goberno galego é que se poderá contratar a un mínimo de 277 mozos e un máximo de 409 en función dos módulos salariais a aplicar.
Por E.P. | SANTIAGO DE COMPOSTELA | 02/01/2023 | Actualizada ás 17:31
O programa Investigo, da Consellería de Promoción do Emprego, abre este martes, 3 de xaneiro, o prazo de axudas para contratar a menores de 30 anos desempregados en empresas que investiguen en innovación, universidades e centros científicos.
O Diario Oficial de Galicia (DOG) publica este luns a segunda convocatoria desta iniciativa da Xunta, dotada con 9,1 millóns de euros en 2023. As contías oscilarán entre os 22.405,9 euros e os 33.108,8 euros por persoa en función do grupo de cotización e custos laborais.
Os contratos terán que contar cunha duración mínima de 12 meses a xornada completa para o desenvolvemento e execución de iniciativas de investigación. Priorízanse as ocupacións referidas á economía circular e o emprego verde.
A previsión o Goberno galego é que se poderá contratar a un mínimo de 277 mozos e un máximo de 409 en función dos módulos salariais a aplicar.
Así o expuxo a secretaria xeral de Apoio ao Emprego, Covadonga Toca, nunha visita á empresa Citanias Obras e Servizo, en Culleredo. No caso desta compañía contratáronse a 15 mozos a un apoio autonómico de case 415.000 euros.
