Abanca achegará 70 millóns a Nova Pescanova

Os socios do Grupo Nova Pescanova aprobaron unha achega de capital de 70 millóns de euros durante a xunta xeral que se celebrou este luns.

"Trátase dunha operación destinada a reforzar os fondos propios da compañía e robustecer a execución do seu plan estratéxico", segundo resalta a compañía.

O capital será achegado na súa totalidade polo accionista principal, Abanca, nunha decisión que, segundo subliña Nova Pescanova, "non supón ningún tipo de alteración na composición accionarial do grupo".

Instalacións da sede de Nova Pescanova en Chapela, Redondela | Fonte: Nova Pescanova