Pontevedra informa negativamente o proxecto do parque eólico Anduriña polos seus "efectos terroríficos"
Destaca a afectación que vai a ter para os concellos de Pontevedra, Barro e Moraña.
Por Europa Press / Redacción | SANTIAGO DE COMPOSTELA | 08/03/2023 | Actualizada ás 17:43
O Concello de Pontevedra emitiu informes negativos á declaración de impacto ambiental do proxecto de instalación do parque eólico Anduriña, segundo informou o concelleiro coordinador do Rural, Alberto Oubiña.
O edil nacionalista compareceu este mércores en rolda de prensa acompañado do presidente da asociación cultural Sondexeve, Manuel Hermida, para dar conta destes informes técnicos que a administración local remitirá á Xunta de Galicia. Este proxecto de parque eólico afecta as parroquias pontevedresas de Santa María de Xeve, Santo André de Xeve e Verducido e tamén aos municipios de Barro, Campo Lameiro e Moraña.
O presidente de SondeXeve explicou que os veciños están "moi preocupados" porque resulta "realmente terrorífico" o efecto que estes aeroxeradores e as liñas de alta tensión terán sobre a flora e a fauna da zona, as traídas de auga ou mesmo o encoro do Pontillón.
Alberto Oubiña asegurou que os informes emitidos polas técnicas municipais son "contundentes" por cuestións como a "escasa profundidade" coa que foron realizados as análises sobre o impacto ambiental.
PARQUE FORESTAL
O edil indicou que non se tiveron en conta "os efectos que se poden producir nas aves migratorias", ou a afección sobre o parque forestal do Pontillón do Castro. "Estes aeroxeradores farían perder todo o seu sentido ao parque forestal", alertou o concelleiro do rural.
O informe municipal tamén advirte de que a declaración non ten en conta as voaduras nin tampouco o transporte de materiais por espazos que non están preparados para iso.
