Santiago e Coruña pechan parques e instalacións deportivas ao aire libre polos refachos de vento

O Concello de Santiago informou de que se pecharán os parques e instalacións deportivas ao aire libre por refachos de vento de ata 85 km/h. Tamén a Torre de Hércules pechou este xoves a partir das 11,30 horas polo mesmo motivo.

Segundo informou o Concello, dada a alerta meteorolóxica prevista a partir das 15,00 horas, tanto os parques da cidade como as instalacións deportivas ao aire libre (campos de fútbol e pistas de atletismo do Estadio Verónica Boquete de San Lázaro) permanecerán pechados mentres persistan estas condicións meteorolóxicas adversas.

En redes sociais, tamén se informou do peche ás visitas da Torre de Hércules pola alerta meteorolóxica.

O Concello de Santiago, no Pazo de Raxoi, no Obradoiro compostelán. CAPTURA (YOUTUBE)