Unha enquisa de convivencia, a ferramenta da Xunta para tentar loitar contra o acoso escolar

O conselleiro de Cultura, Educación, FP e Universidades, Román Rodríguez, insistiu en que "mentres haxa un só caso de acoso escolar seguirase traballando para reducilo e que esta situación sexa tendiente a cero", á vez que anunciou que este martes se abre a IV edición da Enquisa de Diagnose da Convivencia Escolar 2023 para coñecer a situación de cada centro e da Comunidade no seu conxunto.

Coincidindo co Día Internacional contra o acoso e o ciberacoso, Rodríguez visitou o colexio público Apóstolo Santiago onde fixo fincapé en que "se está traballando para erradicar esta situación e que sexa tendiente a cero". Desta maneira, manifestou que esta enquisa, que se pode cubrir ata o 22 de maio, é "unha ferramenta imprescindible" para observar a evolución da convivencia nas aulas e, a partir dos datos obtidos, "poder implementar medidas específicas que se adecuen e a realidade".

Así, explicou que está dirixida a ao redor de 500.000 persoas que conforman o conxunto do sistema educativo galego. Estes son familias, alumnado a partir de 5º de Primaria, docentes e persoal non docente vinculado aos centros educativos de todas as etapas. Rodríguez lembrou que existen accións formativas profesorado, protocolos, plans concretos de centro en función das súas características. Así, apuntou que os resultados da enquisa coñeceranse "entre finais e inicio de curso, xa que depende do ritmo de resposta".

Foto dun centro educativo en Galicia | Fonte: Xunta de Galicia - Arquivo