STOP á destrucción do noso medio ambiente

Esta fin de semana estivemos no bosque máis antigo de Galicia, o Teixedal de Casaio nas saias de Pena Trevinca, e caiunos o alma o chan. Fálase moito da situación das canteiras de O Courel nunha paraxe fermosisima, pero tampouco hai que esquencer o penoso estado dos montes de Valdeorras e A Cabrera, onde se atopa o pico máis alto de Galicia, Pena Trevinca...

Por Galicia Confidencial | Galicia | 07/05/2008 | Actualizada ás 00:47

As pizarreiras atópanse esparelladas por todos os montes do contorno e mesmo chegan xa a afectar ao macizo de Pena Trevinca que non ten ningunha protección especial; nin tan sequera é considerado parque natural. A zona concentra o maior número de pizarreiras de toda o pais tal e como asegura a propia Asociación Gallega de Pizarristas.

Non hai ningún tipo de control de verquidos nin do forte impacto ambiental que as pizarreiras están a provocar en todo o entorno, e iso, a pesar de que o Goberno central prometeu un paquete de axudas para tentar subsanar "un pouquiño" esta grave problemática.

Na Consellería de Medio Ambiente non saben ou non queren saber do asunto. "No coment". "É unha cuestión que hai que estudiar seriamente pero non hai ningún plan", apuntan. O propio conselleiro ten dito que non se pode entrar a saco con estas empresas porque, a pesar do dano ecolóxico, empregan a moita xente. Ese é o mesmo argumento que utilizan os gobernos locais da zona; canta máis pizarra, máis riqueza. Detrás atopase un importante holding empresarial, o das pizarras, con moita influencia nestas comarcas. Tamén haberá que pensar, como acontece noutros países civilizados de Europa, que o medio ambiente tamén é unha riqueza se se sabe explotar ben. Porque Galicia é unha das zonas que máis exporta pizarra ao exterior?, quizais porque en Francia ou en Alemaña a explotación deste producto ten unhas fortes restriccións legais, precisamente, polo impacto que causa no medio ambiente. Supoño que teremos que tomar boa nota. Animamos dende esta páxina a colectivos ecoloxistas e sociais, medios de comunicación e mesmo á propia administración a que denuncien esta situación para tentar poñer algo de orde neste sector e correxir canto antes o que se pode converter nun dos maiores desastres ecolóxicos de Galicia. Máis información e fotos aquí.

6 anónimo

en coches máis propios de desguace que de andra circulando e en pistas coma a de enfronte con curvas imposibles e precipicios de seguido ao seu caron son polas que se xogan a vida tódolos dias os brigadistas do servicio de extinción de incendios por 800€ ao mes.

os da equipa dirixente de medio rural do canal pasan todos dos 3000€/mes con coches de alta cilindrada dietas e luxos asiaticos varios ao seu dispor ...

5 Fedello

Eu son do Porriño e por iso sei o que está facendo o holding da canteira aínda que teño a sorte de coñecer moi ben o país. Pero non me respondiches ao que te preguntei, máis sendo de onde es.

4 Conchita

Fedello, eu son de sobradelo. E ti?

3 Fedello

E eu che pregunto a ti, non cres que tal e como vai a acabar esa zona dentro duns anos non terán que emigrar todos os do pobo e mesmo da comarca?. Non será iso de pan para hoxe e fame para mañán?. Pasa no Courel, pasa en Quiroga e pasa en Valdeorras. Ti pasaches por alí?. Se se fixera unha explotación controlada aínda pasaba pero tal e como teñen aquilo é impresentable, mesmo a nivel empresarial.

2 Conchita

Recoñecendo que o que alí pasa é un escándalo ecolóxico, só vos pido unha cousa por un momento: imaxinade que sodes un veciño de Casaio que só ten como única posibilidade ou traballar nas pizarreiras ou emigrar, entón están ben as pizarreiras?