Francisco Castro e Elena Andrés, galardoados co Premio Pura e Dora Vázquez por 'Xoán, Xoana'
O certame ten por obxectivo fomentar a lectura no público máis novo.
Por Europa Press / Redacción | OURENSE | 09/05/2023 | Actualizada ás 17:59
O escritor e editor Francisco Castro e a ilustradora Elena Andrés recibiron este martes o XIX Premio de Literatura Infantil e Xuvenil Pura e Dora Vázquez no CPR Pluringüe Luís Vives de Ourense polo libro 'Xoán, Xoana'.
O galardón, convocado anualmente pola Deputación de Ourense, está dotado con 1.500 euros para cada modalidade e ten como obxectivo fomentar a lectura no público máis novo. Este premio tamén busca recoñecer o traballo de autores literarios e artísticos, unindo na obra premiada ambas as disciplinas creativas.
O xurado desta edición estivo formado por David Canda, Antón Alonso, Xosé Antón Dorrío e Isabel Mociño -en representación dos grupos políticos presentes na corporación provincial-. Así, a xefa de sección de Arquivo e Publicacións, Ana Malingre, foi a secretaria, mentres que Patricia Torres estivo como presidenta.
