Por E.P. | SANTIAGO DE COMPOSTELA | 09/05/2023 | Actualizada ás 20:24
Unha muller resultou ferida este martes ao sufrir un accidente co seu vehículo contra outro coche cando realizaba unhas manobras para saír do seu garaxe en Rianxo. O sinistro tivo lugar ás 16,30 horas na estrada DP-7202 e requiriu da mobilización do helicóptero de Urxencias Sanitarias, segundo trasladou o CIAE 112 Galicia.
Con todo, a muller ferida foi finalmente trasladada en ambulancia a un centro sanitario. Ademais, tamén na tarde deste martes, outra muller tivo que ser rescatada despois de sufrir unha caída en Sanxenxo e terminar atrapada entre un pequeno muro e unha parede.
O incidente produciuse minutos antes das 17,30 horas nunha leira situada no lugar do Santo, na parroquia de Nantes, ata onde se desprazaron efectivos de Urxencias Sanitarias 061, que conseguiron liberar á muller para, a continuación, evacuala á PAC de Sanxenxo.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.