En Ourense, co 85% escrutado, Jácome gaña as eleccións a pesar dos audios e críticas de todos os partidos
O PP quedaría como segunda forza, con sete concelleiros e o PSdeG, con seis.
Por Europa Press / Redacción | SANTIAGO DE COMPOSTELA | 28/05/2023 | Actualizada ás 21:45
En Ourense, co 85% escrutado, o partido máis votado nas eleccións municipais é Democracia Ourensana, polo que a formación de González Pérez Jácome gañaría ata tres concelleiros, ata un total de 10.
Pola súa banda, o PP quedaría como segunda forza, con sete concelleiros, do mesmo xeito que en 2019. O PSOE perdería tres concelleiros, ata o seis. Mentres que o BNG gañaría dous, ata catro. Cidadáns quedaría fóra do Concello.
Desta maneira, a suma dos partidos de esquerda non chegaría para gobernar, polo que sería necesario unha suma do tres partidos (PP, PSOE e BNG) para que Pérez Jácome non continúe de rexedor. En Ourense elíxense 27 concelleiros, de forma que a maioría absoluta está en 14 edís.
