A Xunta solicita máis de 4 millóns de euros de fondos estatais para previr e paliar os danos do lobo

A Xunta solicitou ao Goberno central un total de 4,36 millóns de euros dos fondos estatais reservados nos orzamentos de 2023 para previr e paliar os posibles danos causados polo lobo no sector agrogandeiro.

Unha cantidade que, segundo destacou a Consellería de Medio Ambiente, sería a mesma que lle "correspondía o ano pasado" pero que o Goberno central "negouse a transferir pola súa negativa a subscribir a nova Estratexia nacional da especie".

Así o defendeu este martes a directora xeral de Patrimonio Natural, Belén do Campo, que participou de forma telemática en representación do Goberno galego na reunión da comisión estatal para o patrimonio natural e a biodiversidade, preparatoria da Conferencia sectorial de Medio Ambiente na que o Executivo central e as comunidades acordarán a repartición territorial definitivo.

A directora xeral de Patrimonio Natural, Belén do Campo, participa na comisión estatal para o patrimonio natural e a biodiversidade.. XUNTA | Fonte: Europa Press