O consumo de produtos animais pode estar detrás dalgunhas infeccións bacterianas en humanos segundo a USC

Investigadores de Microbiología da Universidade de Santiago (USC), xunto con investigadores da Universidade de Copenhague e o Hospital Central de Asturias, publicaron un estudo na revista One Health que sinala que a inxesta de alimentos, e o consumo de produtos de orixe animal en particular, pode ser unha causa potencial de transmisión de infeccións bacterianas aos seres humanos.

Neste estudo observaron comportamentos 'in vitro', similares entre cepas pertencentes a clons específicos de 'Escherichia coli', en mostras de carne e de infeccións do tracto urinario en humanos.

Os resultados da investigación foron levados a cabo no Laboratorio de Referencia E. coli do Campus Terra da USC, xunto con outra investigadores da área de Microbiología da Universidade e da Universidade de Copenhague, así como do Hospital Central de Asturias (HUCA).

Este traballo foi liderado polos investigadores da Facultade de Veterinaria Azucena Moura, Vanesa García e Isidro García Meniño, e foi realizado no marco dun proxecto nacional sobre resistencias aos antibióticos e seguridade alimentaria.

Facultade de Veterinaria do Campus Terra da USC.. USC - SANTI ALVITE | Fonte: Europa Press