O Racing Club de Ferrol recibe os parabéns de Rueda polo seu ascenso a Segunda División
O titular do Goberno galego acompañado do vicepresidente segundo e conselleiro de Presidencia, Xustiza e Deportes, Diego Calvo, recibiu a visita do equipo ferrolán na sede da Xuunta no compostelán Pazo de Raxoi.
Por E.P. | SANTIAGO DE COMPOSTELA | 01/06/2023 | Actualizada ás 20:25
O presidente da Xunta, Alfonso Rueda, felicitou ao Racing Club de Ferrol polo seu ascenso á Segunda División de fútbol tras resultar campión do grupo 1 de Primeira RFEF.
O titular do Goberno galego acompañado do vicepresidente segundo e conselleiro de Presidencia, Xustiza e Deportes, Diego Calvo, recibiu a visita do equipo ferrolán na sede da Xuunta no compostelán Pazo de Raxoi.
Rueda mostrou a súa satisfacción polo "merecido desembarco" do conxunto da cidade naval na segunda categoría do fútbol español, que supón "un orgullo para todos os galegos e galegas".
"Se somos unha potencia en tantas cousas, que se note que o somos tamén no fútbol", manifestou o mandatario autonómico, que recibiu unha camiseta do Racing serigrafiada co número '10' e o seu nome.
