'O legado Indiano en Fene', gañador do I Concurso Audiovisual ANPAS Galegas - Somos Rural

O proxecto audiovisual “O Legado Indiano en Fene” do CEIP de Os Casais é o gañador do I Concurso Audiovisual ANPAS Galegas – Somos Rural.

"Os proxectos presentados nesta primeira edición do concurso destacaron pola súa creatividade, investigación e valoración do patrimonio do seu ámbito rural", indica a entidade nun comunicado. O proxecto gañador destacou polo seu enfoque en coñecer colectivamente o legado indiano no concello de Fene, implicando a alumnado, a ANPA e o equipo docente.

O acto da entrega de premios terá lugar no centro educativo da equipa gañadora, o CEIP de Os Casais (Fene), o vindeiro luns 19 de xuño ás 17.00 h.