A remodelación do parque infantil da Alameda de Santiago durará catro meses e custará preto de 300.500 euros
O concelleiro estima que será necesaria unha partida duns 300.000 euros para o mantemento dos 80 parques da cidade.
Por E.P. | Santiago de Compostela | 11/07/2023 | Actualizada ás 13:28
As obras de remodelación do parque infantil da Alameda de Santiago, na avenida Compostela, comezan cun prazo de execución de catro meses e un orzamento de 300.500 euros. O concelleiro de Parques e Xardíns, Vías e Obras, Xesús Domínguez, presentou as principais características desta actuación, e ademais sinalou que, segundo a súa estimación, será necesaria unha partida doutros 300.000 euros nos orzamentos municipais para o mantemento dos 80 parques da cidade.
No caso concreto do parque da Alameda, están proxectados distintos elementos de xogo como un areeiro e unha tirolina, así como unha mellora da accesibilidade. Aínda que o prazo previsto é de catro meses, "se poden" os responsables farano "en menos", sinalou o edil. Cuestionado pola presenza de ratas nesta zona, aludiu ao plan de desratización da cidade, que terá que licitarse de novo proximamente, e constatou que o Concello contempla "seguir coas campañas de desratización".
OUTRAS ACTUACIÓNS
Ademais destas obras, Xesús Domínguez sinalou a actuacións noutro catro parques novos: na Praza de León, un en O Avío e outro que se atopa en redacción para Vista Alegre. Sobre se está previsto implantar algunha cuberta en parques, apuntou que hai anos esta alternativa topou co rexeitamento de veciños no barrio de Conxo e despois "houbo un certo arrepentimento". Agora, agregou, é "unha posibilidade" que contempla o goberno municipal, a modo de marquesiña.
Por último, constatou que para as áreas biosaludables pensadas para usuarios de idade avanzada "tamén haberá que analizar e contemplar o mantemento".
