A creación de empresas aumenta en Galicia un 35,9%, o dobre que en España, segundo os notarios

A constitución de sociedades aumentou en Galicia un 35,9% en xuño, ata as 435 novas empresas, máis do dobre que o 16,2% rexistrado no conxunto de España. Así se recolle nun estudo este xoves polo Consello Xeral do Notariado, no que se sinala que por comunidades autónomas, a creación de novas sociedades aumentou en 11 delas. En concreto, destacan as subidas en Aragón (+42,8%), a citada comunidade galega (+35,9%) e Cataluña (+32,5%).

Mentres, a creación de novas empresas baixou en maio en seis rexións, especialmente en Asturias (-16,8%), Cantabria (-15,4%) e País Vasco (-10%). A nivel estatal, a constitución de sociedades aumentou un 16,2% en xuño, ata as 10.275 novas empresas, segundo datos publicados este xoves polo Consello Xeral do Notariado.

Un total de 7.491 sociedades creáronse cun capital social fundacional de entre 3.000 e 4.000 euros, o que supón un ascenso do 13,1% con respecto a xuño de 2022. Dentro destas, o capital medio de constitución foi de 3.022 euros.

O presidente do Consello Económico e Social, Agustín Hernández, e Cristina Rama --representante da Confederación de Empresarios de Galicia no CES-- presentan a memoria do CES de 2022