Falece un mozo tras chocar contra unha árbore en Ramirás, Ourense
Por Europa Press / Redacción | SANTIAGO DE COMPOSTELA | 26/08/2023 | Actualizada ás 11:04
Un mozo faleceu na madrugada deste sábado tras saírse da vía o vehículo no que circulaba pola estrada OU-531, ao seu paso polo municipio ourensán de Ramirás, e chocar contra unha árbore o que provocou o envorco do vehículo.
O accidente produciuse minutos antes das 07,00 horas nesta vía e concretamente na parroquia de Paizás. Segundo informou a Garda Civil, o vehículo saíuse da vía pola marxe dereita e chocou contar unha árbore.
O 112 Galicia recibiu a alerta mediante o sistema de 'ecall' do vehículo e mobilizou, para comprobar a información, aos membros do GES de Terras de Celanova. Unha vez no lugar, advertiron dunha persoa inconsciente atrapada no interior e que era necesario proceder á súa excarceración. Pouco despois, informaron de que o mozo falecera.
Ademais de efectivos de emerxencias e sanitarios, o 112 Galicia solicitou a intervención das axentes da Garda Civil de Tráfico. Así mesmo, recibiron apoio dos voluntarios de Protección Civil e coa axuda do persoal de limpeza e mantemento da Axencia Galega de Infraestruturas.
