Un microbus escolar con catro nenos a bordo queda atrapado en Allariz tras a crecida do río Arnoia

Un microbus escolar tivo que ser auxiliado este xoves en Allariz ao quedar varado nunha balsa de auga pola crecia do río Arnoia. Segundo informou a Garda Civil, ás 14.15 horas, reciben o aviso dun vehículo parado nunha balsa de auga. Indícase que se quedou inmobilizado na estrada que parte desde a N-525, no Pk 216 cara á poboación de Meire.

O autocar transportaba catro pasaxeiros de entre 12 e 14 anos que foron rescatados ilesos. Os menores foron trasladados no vehículo oficial da Garda Civil e na motobomba de Protección Civil de Allariz ata a chaira do restaurante Limia.

O microbus varado na balsa de auga do río Arnoia, en Allariz | Fonte: GARDA CIVIL DE OURENSE