O ultra Milei arrasa nas eleccións da Arxentina
Acada o 56% dos votos fronte ao 44% do peronista Sergio Massa.
Por Galicia Confidencial | Bos Aires | 20/11/2023 | Actualizada ás 09:53
O ultra liberal e ultradereitista Javier Milei deu un envorco á política de Arxentina ao converterse este domingo en presidente electo do país coas súas ideas libertarias e radicais. Derrotou ao peronista Sergio Massa, actual ministro de Economía, que recoñeceu a derrota antes mesmo de que se coñecesen os resultados oficiais.
Finalmente os resultados foron moi abultados para o ultra, 56% fronte a un 44%. "Hoxe comeza a reconstruccción de Arxentina. Hoxe comeza o fin da decadencia arxentina. Termínase o modelo empobrecedor do Estado omnipresente", dixo Milei, fronte a un gran cartel oficial como presidente electo.
Milei destacou a "milagre" de que haxa un presidente "liberal e libertario, o primeiro da historia da humanidade". "Obviamente os resultados non son os que esperabamos e felicitei a Javier Milei porque é o presidente que a maioría elixiu para o próximos catro anos", dixera Massa dúas horas antes recoñecendo a derrota.
