Deteñen un home que intentou atracar unha sucursal bancara cunha pistola falsa
Os feitos sucederon na tarde deste xoves, cando se deu a alerta por un atraco con arma de fogo nunha sucursal bancaria do centro da cidade.
Por E.P. | OURENSE | 01/12/2023 | Actualizada ás 19:10
Axentes da Policía Nacional detiveron a un home como presunto autor dun roubo ocorrido nunha sucursal bancaria de Ourense, de onde subtraeu varios miles de euros empregando unha arma que resultou ser simulada.
Os feitos sucederon na tarde deste xoves, cando se deu a alerta por un atraco con arma de fogo nunha sucursal bancaria do centro da cidade.
O autor, segundo contaron testemuñas aos axentes, accedera ao local e intimidado a un dos empregados utilizando unha arma e esixindo o diñeiro da caixa. Unha vez logrado o botín, emprendera a huída cara á zona do Vao.
Inmediatamente, a Policía Nacional realizou un despregamento grazas ao que foi localizado o presunto autor do roubo. Ao detectar a presenza policial iniciouse unha fuga que finalizou nas inmediacións do Parque do Miño, onde puido ser detido.
Durante a detención, o acusado ofreceu resistencia, polo que tres dos policías intervenientes resultaron feridos.
Ao home foille intervido o diñeiro procedente do botín, que portaba escondido e repartido por diferentes petos e zonas do corpo. Tamén foi localizada a arma coa que, supostamente, perpetrou o feito, que resultou ser unha pistola simulada.
Durante a investigación, os axentes tiveron coñecemento de que, momentos antes do atraco, o detido tentara roubar nunha entidade bancaria próxima, aínda que despois de pelexar cun dos empregados, ao que golpeou cun obxecto na cabeza, non logrou acceder ao interior e abandonou o lugar.
