Néboa, xeadas e vento para este martes en Galicia

Os intervalos de néboa e as xeadas caracterizarán o tempo deste martes, 26 de decembro, na meseta norte e no interior da Península. En Galicia, haberá intervalos de vento forte nas súas costas, segundo a predición da Axencia Estatal de Meteoroloxía (Aemet).

As néboas serán localmente persistentes na meseta norte, especialmente en Ávila, Burgos, León, Palencia, Salamanca, Segovia, Soria, Valladolid, Zamora, Huesca e Lleida, pero tamén no oeste da meseta sur e zonas da conca do Ebro como Badaxoz ou Cáceres onde a visibilidade será limitada ata 200 metros, aínda que o risco amarelo por néboas terminará sobre as 11.59 horas.

Por outra banda, debido á aproximación dunha fronte atlántica, haberá intervalos nubrados no oeste de Galicia, con posibilidade dalgunhas choivas débiles e intervalos de vento forte na costa. Os ventos soprarán do suroeste en Galicia, Cantábrico, litorais do sueste e Baleares, 

As temperaturas máximas baixarán no norte peninsular e cuadrante suroeste e non presentarán grandes cambios no resto. As mínimas aumentarán no noroeste de Galicia. Daranse xeadas en boa parte do interior peninsular, a maioría débiles e algunha localmente moderada.

Frio, xeada, herba xeada