Unión de empresas para impulsar a eólica mariña en Galicia

Plenitude chegou a un acordo con BlueFloat Energy e Sener Renewable Investments para unirse á súa alianza estratéxica enfocada en avanzar no desenvolvemento de proxectos de eólica mariña en España e Galicia.

Este acordo reforza a 'joint venture' creada por BlueFloat e Sener Renewable Investments fai tres anos, formando un consorcio cunha carteira total de aproximadamente 1,25 GW de proxectos eólicos mariños flotantes en Galicia (Parque Nordés), Cataluña (Parc Tramuntana) e Canarias (Parque Tarahal).

En España, Plenitude xestiona 430 MW de enerxía solar fotovoltaica e eólica terrestre en operación, 1 GW de proxectos en construción e máis de 2 GW de proxectos en desenvolvemento. A empresa tamén controla unha rede de puntos de recarga de coches eléctricos e proporciona electricidade e servizos enerxéticos a máis de 300.000 clientes no país.

NORVENTO

Por outra banda, Norvento Enerxía deseñará e fabricará un prototipo de pa de aeroxerador reciclable, co obxectivo de mellorar a sustentabilidade, a durabilidad e a facilidade de mantemento desta tecnoloxía.

Así o fará no marco do proxecto europeo Eolian, un consorcio composto por dez compañías e centros de investigación do sector enerxético que conta cunha axuda de 4 millóns de euros por parte da Unión Europea.