Continúan as mostras de repulsa polo crime de Ribeira con minutos de silencio en Ferrol e Pontevedra

As mostras de repulsa polo crime de Ribeira continúan este xoves con minutos de silencio en cidades como Ferrol ou Pontevedra, que se sumaron esta mañá á condena. Así, en Ferrol, membros da corporación municipal, xunto a usuarios de Teima Down Ferrol, secundaron ás 12.00 horas o minuto de silencio que se gardou nas escalinatas da Praza de Armas. Pola súa banda, a corporación de Pontevedra fixo o propio ante a Casa da Luz.

Concentración en Ribeira en nome da muller asasinada pola súa exparella en Palmeira | Fonte: E.P. - Arquivo