Aberto o prazo para inscribirse na XXV edición do Programa de Extensión Cultural de Astronomía da USC

O Observatorio Astronómico Ramón María Aller (Oarma) da USC abriu o prazo para inscribirse na XXV edición do Programa de Extensión Cultural de Astronomía (Pencas). Segundo explican nun comunicado, durante mes e medio o estudiantado e membros dos colectivos de PDI e PAS que participen terán ocasión de realizar observacións visuais e telescópicas nocturnas. Tamén haberá unha observación solar, montaxe dun telescopio automatizado, manexo do planisferio e dúas charlas. Das 60 prazas, 10 delas estarán reservadas para o público en xeral. O alumnado de graos poderá obter un crédito ECTS por asistir ás sesións do programa.

Estación Meteorolóxica do Observatorio Astronómico Ramón María Aller, no Campus Vida da Universidade de Santiago | Fonte: USC - Arquivo