Os aeroportos galegos suman 1,2 millóns de viaxeiros no primeiro trimestre, con Santiago á cabeza

Os aeroportos galegos sumaron durante o pasado mes de marzo 452.776 pasaxeiros, coa terminal de Lavacolla en Santiago á cabeza, mentres que o número de viaxeiros no primeiro trimestre do ano foi de 1.194.032, o que supoñen incrementos do 4 % e do 2,58 %, respectivamente. No mes de marzo, o aeroporto de Santiago rexistrou 258.809 pasaxeiros (un 5,56 % máis con respecto ao mesmo mes do ano pasado). En voos comerciais, 218.302 viaxeiros fixeron rutas nacionais e 38.856 fixeron rutas internacionais

En total, operáronse en Lavacolla 1.883 voos e, das operacións comerciais, 1.486 foron voos a destinos nacionais e 291 foron destinos internacionais. Con respecto ás operacións de carga, movéronse 436,2 toneladas. No primeiro trimestre do ano, o aeroporto de Santiago rexistrou 660.413 viaxeiros, un 1,1 % máis que no tres primeiros meses do ano pasado.

A CORUÑA E VIGO

No caso de Alvedro (A Coruña), o mes de marzo deixou un rexistro de 101.619 viaxeiros (un 3,9 % menos) e, en voos comerciais, houbo 91.624 pasaxeiros en rutas nacionais e 9.948 en rutas internacionais. En total operáronse 1.030 voos e, deles, 767 foron comerciais (683 rutas nacionais e 84 internacionais). Nesta terminal movéronse 4,2 toneladas de mercadoría e, o total de pasaxeiros no primeiro trimestre foi de 286.420, un 4,4 % máis, con respecto ao primeiro trimestre de 2023.

No aeroporto vigués de Peinador, o mes de marzo pechouse con 92.348 pasaxeiros, un 8,7 % e, en voos comerciais, houbo 88.268 viaxeiros en rutas nacionais e 3.669 en rutas internacionais. En total operáronse 1.027 voos e, dos 783 comerciais, 711 foron destinos nacionais e 72 internacionais. En marzo moveuse unha tonelada de mercadoría e o total de pasaxeiros do primeiro trimestre foi de 247.199, un 5,1 % máis que no mesmo período do ano pasado.

Imaxe do aeroporto de Alvedro | Fonte: Gustavo de la Paz - Arquivo