Operación 'Al Andalus', cinco detidos e desarticulado un grupo criminal en Ourense
Foron intervidos 14 quilos de haxix.
Por Europa Press / Redacción | OURENSE | 16/04/2024 | Actualizada ás 11:16
A Policía Nacional desmantelou un grupo criminal dedicado ao tráfico de drogas na cidade de Ourense nun operativo no que cinco persoas foron detidas e comisáronse 14 quilos de haxix, así como outras sustancias estupefaciente, diñeiro en metálico e varios vehículos.
A intervención desenvolvida o pasado 11 de abril polo Grupo de Estupefacientes da Comisaría de Ourense en colaboración con GOES e UPR puxo o colofón á operación 'Al Andalus', culminada con tres rexistros en domicilios dos barrios do Couto, A Ponte e Berrocás.
En total, os axentes incautáronse de 14 quilos de haxix, outras drogas, 20.000 euros, tres automóbiles, unha motocicleta de alta cilindrada e outros efectos relacionados co tráfico de drogas.
O cinco detidos quedaron a disposición do xulgado de instrución número 1 de Ourense que ordenou o ingreso en prisión dun dos investigados e a posta en liberdade con cargos dos outros catro.
