Por Galicia Confidencial | Compostela | 30/11/2015 | Actualizada ás 14:07
Búscanse seis xornalistas en paro. O Colexio Profesional de Xornalistas de Galicia e a Obra Social la Caixa poñen en marcha a iniciativa Xornalismo na Escola, na que profesionais en situación de desemprego impartirán xornadas didácticas sobre comunicación a alumnos de 3º e 4º da ESO. Con este obxectivo, seleccionaranse seis colexiados parados para impartir os obradoiros.
As xornadas realizaranse nun total de 60 I.E.S de toda a comunidade entre escolares de 3º e 4º da E.S.O. Para impartir os obradoiros, segundo apunta o CPXG nun comunicado, convócanse seis prazas ás que poderán concorrer calquera colexiado, que acredite atoparse en paro, tendo preferencia aqueles que se encontren en situación de desemprego de longa duración.
Asignarase a cada un dos seleccionados unha contía de 1.500 Euros, en concepto de bolsa, máis unha pequena partida en concepto de material. As persoas interesadas en impartir as xornadas deben enviar antes das 14:00 horas do 11 de decembro a documentación e un breve curriculum por correo electrónico xornalistas@xornalistas.gal ou por vía postal ou en persoa a: Colexio Profesional de Xornalistas de Galicia, San Pedro de Mezonzo, 36, 1º, 15701 Santiago de Compostela. Bases e formulario de inscrición na web do Colexio de Xornalistas.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.