Auxilian a catro persoas a bordo dunha embarcación que se dirixía cara as pedras na Lanzada
Averiáraselles o motor da lancha na que navegaban. Os socorristas da praia da Lanzada acudiron en axuda destas catro persoas a bordo dunha lancha, coa que foron rescatados.
Por Europa Press / Redacción | PONTEVEDRA | 05/08/2024 | Actualizada ás 00:33
Os socorristas da praia da Lanzada, no municipio pontevedrés do Grove, tiveron que auxiliar este domingo a catro persoas ás que se lles averiara o motor da lancha na que navegaban. Segundo informou o 112 Galicia, foi un dos implicados o que solicitou axuda á central de emerxencias ao sinalar que se atopaba con outros tres persoas a bordo dunha lancha, fronte a praia de Borreiro, cando o motor da embarcación deixou de funcionar.
Aínda que todos se atopaban ben, o alertante explicaba que se dirixían cara ás rocas. Por iso, os operadores do 112 deron aviso a Salvamento Marítimo, que mobilizou a lancha Salvamar Sargadelos, así como ao grupo acuático do GES de Sanxenxo e á Garda Civil de Pontevedra.
Ademais, foi informada a Policía Local e o Servizo Municipal de Protección Civil do Grove. Así mesmo, os socorristas da praia da Lanzada acudiron en axuda destas catro persoas a bordo dunha lancha, coa que foron rescatados. A continuación, dirixíronse ata Pedras Negras escoltados pola patrulleira da Garda Civil e a embarcación de Salvamento Marítimo.
