O Goberno destina 18,8 millóns a Galicia para consolidar o I Plan de Modernización da FP
En Consello de Ministros aproba a repartición de 130 millóns entre todas as autonomías
Por E.P. | Santiago de Compostela | 10/09/2024 | Actualizada ás 14:57
O Consello de Ministros aprobou este martes, a proposta do Ministerio de Educación, Formación Profesional e Deportes, unha nova partida de 130 millóns de euros para "seguir modernizando e consolidando" a FP. Deles, Glaicia recibirá un total de 18.850.940 euros.
Así o anunciou a ministra de Educación, FP e Deportes e portavoz do Goberno, Pilar Alegría, durante a súa comparecencia na rolda de prensa posterior ao Consello de Ministros. A ministra resaltou que, destes 130 millóns de euros, 88 millóns --14.962.500 euros en Galicia--, van ir destinados a crear máis de 41.000 novas prazas de FP que se porán en marcha en todas as comunidades autónomas. Entre elas, 12.390 serán bilingües (3.750 en Galicia), un investimento de 33.453.000 euros para esta actuación (10.125.000 euros en Galicia).
Ademais, os 130 millóns de euros inclúen outras dúas partidas. Por unha banda, 15 millóns de euros tamén distribuídos entre as comunidades autónomas --1.963.440 euros en Galicia-- para o recoñecemento das competencias profesionais dos traballadores.
"Isto é recoñecer a experiencia profesional dos nosos traballadores ou a formación que puidesen adquirir por vías non formadas. Levamos xa uns anos traballando para que haxa un recoñecemento oficial desa experiencia profesional de, neste momento, máis dun millón de traballadores, co obxectivo de chegar aos 2 millóns cando termine a lexislatura", apuntou Alegría.
