Continúan en Galicia as protestas contra o xenocidio da poboación gazatí

Diversas organizacións sociais, políticas e sindicais reuniron este sábado decenas de persoas en varias cidades de Galicia para denunciar o "o xenocidio" que Israel está a exercer sobre a poboación gazatí. Baixo o lema 'Pola paz, alto ao lume Xa! Nin terrorismo nin xenocidio', a protesta levouse a cabo en preto de 50 cidades españolas, incluíndo Santiago de Compostela ou Vigo, entre moitas outras. As concentracións estiveron convocadas por miles de profesionais da cultura asinantes do manifesto, como Miguel Ríos, o actor Juan Echanove, a escritora Rosa Montero, a actriz Viky Pena, o economista Juan Torres ou o director Fernando Colomo.

Así mesmo, subliñaron que contan co apoio dun cento de organizacións como os sindicatos CC.OO., UGT e USO, o COAG de agricultores e gandeiros, Fetico ou a Federación de Sindicatos de Xornalistas. Tamén plataformas como a Federación de Asociacións Veciñais de Madrid, Asociacións en Defensa da Sanidade Publica ou a Federación Estatal LGTBI; ademais de organizacións políticas, como Recortes Cero, e entidades sociais, que se uniron organizacións da Igrexa, como HOAC ou o Movemento de Mozos Rurais Católicos.

Organizacións sociais, políticas e sindicais denuncian en Galicia 'o xenocidio' da poboación gazatí | Fonte: ALTO AO LUME EN GAZA