Unións Agrarias mantén catro representates na executiva estatal do sindicato UPA
No 11 Congreso Federal, que se celebrou en Madrid, a federación galega incorpora como secretario executivo de UPA a Félix Porto
Por E.P. | SANTIAGO DE COMPOSTELA | 20/02/2025 | Actualizada ás 19:33
Unións Agrarias (UU.AA.) mantén catro representantes na nova executiva estatal do sindicato agrario UPA.
No 11 Congreso Federal, que se celebrou en Madrid, a federación galega incorpora como secretario executivo de UPA a Félix Porto --é o secretario de Coordinación Sectorial de UU.AA.--, onde substitúe nese cargo estatal ao actual secretario xeral de Unións Agrarias, Roberto García.
Mentres, Román Santalla abandona a executiva federal de UPA, onde lle dá a substitución Xosé Ramón González, ata agora responsable de Producións Extensivas de Unións Agrarias.
Pola súa banda, Montse Cortiñas mantén responsabilidades como vicesecretaria xeral de UPA. Por outra banda, Teresa López seguirá como secretaria de Administración e presidenta da Federación de Mulleres Rurais (Fademur).
