O vicepresidente participa nun acto dun colexio do Opus Dei

A Xunta informa que o seu vicepresidente, Alfonso Rueda, acompañado do delegado territorial da Xunta en Vigo, Ignacio López-Chaves, participou este sábado na clausura dos actos da imposición de becas da XLIV promoción de bacharelato do colexio Montecastelo.

Segundo recolle a bitácora Vigo Opus Dei, o Montecastelo non pertence a secta católica, senón a Fomento de Centros de Enseñanza, S.A.; pero "es el Opus Dei quien ayuda a dar continuidad e identidad cristiana a estos colegios" fornecendo sacerdotes para a "atención pastoral", como sucede noutros centros olívicos, como Las Acacias e Colegio Aloya.