Investigan a morte dun ciclista que apareceu tirado nunha calzada en Tui
Por Europa Press / Redacción | Tui | 28/05/2025 | Actualizada ás 10:16
Un ciclista apareceu morto á beira da súa bicicleta na calzada do paseo marítimo de Calvo Sotelo, na localidade pontevedresa de Tui, segundo informou este martes 112 Galicia.
Pouco antes das 20.00 horas, un particular alertou aos servizos de emerxencias de que atopara a un ciclista tendido na calzada. Desde un primeiro momento indicou que a persoa non respondeu os seus intentos de comunicarse con ela.
A pesar dos seus esforzos, os servizos sanitarios non puideron facer nada pola súa vida. Desde o Centro de Atención Integrada de Urxencias informouse o Servizo de Emerxencias Sanitarias de Galicia-061, a efectivos da Policía Local e aos voluntarios de Protección Civil de Tui. As autoridades están a traballar para aclarar o sucedido.
