Localizada un semisumerxible no Brasil para transportrar droga ás costas de España

A Policía Nacional interceptou nunha operación conxunta coa Policía Federal de Brasil, a Polícia Judiciária portuguesa e a axencia estadounidense DEA unha embarcación semisumerxible usada para transportar droga ata as costas españolas.

O semisumerxible foi interceptado o pasado sábado no estado brasileiro de Pará e ata o momento foron detidas cinco persoas, aínda que a operación continúa aberta e non se descartan novas detencións, segundo informou a Policía Nacional. A operación contou coa participación do Comando de Operacións Tácticas da Policía Federal de Brasil, así como co apoio aéreo dun helicóptero da Forza Aérea brasileira e o apoio marítimo dun buque da Mariña de Brasil.

A Policía Nacional destacou que a identificación e localización da embarcación foi posible grazas á cooperación policial internacional coa Polícia Judiciaria de Portugal e a Administración para o Control de Drogas dos Estados Unidos (DEA) que, xunto ás autoridades brasileiras, puideron interceptar a embarcación dedicada ao tráfico internacional de drogas e tiña como destino as costas españolas.

Interceptado en Brasil unha embarcación semisumergigle para transportar droga ata as costas españolas nunha operación con participación da Policía Nacional. POLICÍA NACIONAL | Fonte: Europa Press