Ponteareas quere ensinar autodefensa ás mulleres para evitar situacións de acoso ou roubo
Organiza un curso de defensa persoal.
Por Europa Press / Redacción | VIGO | 08/06/2025 | Actualizada ás 11:36
O Concello de Ponteareas realiza un curso de defensa persoal para mulleres totalmente gratuíto este domingo. A concelleira de Benestar Social, Raquel Plana, explicou que este curso compónse dunha parte teórica e outra práctica que se darán en conxunto para ser máis dinámico.
A metodoloxía ensinada será o 'Método MAS', que busca aprender a empregar o corpo e a mente contra as ameazas do día a día. Non só pretende ensinar ás mulleres a defenderse, senón tamén axudalas a recoñecer os sinais de perigo e actuar de forma preventiva para anticiparse.
"Vivimos nun mundo cada vez máis seguro, pero séguense producindo situacións de perigo. Ás veces danse situacións de ameazas, acoso sexual, roubo, intimidación física, psicolóxica e ataques físicos. Por iso animamos a todas as mulleres a formarse para sentirse máis seguras e solventes", sentenciou Plana.
