Rescatados dous mariñeiros tras afundir un pesqueiro en Ribeira
Sufriu unha vía de auga preto de Corrubedo.
Por Galicia Confidencial | Ribeira | 09/06/2025 | Actualizada ás 10:42
Dous tripulantes do pesqueiro "Pegal" foron rescatados na mañán deste luns tras afundir o barco en Corrubedo. Trátase dun veciño de Ribeira, o armador, e de Muros, un mariñeiro.
Segundo as fontes consultadas por GC, o barco sufriu unha vía de auga moi importante. De feito, foi imposible achegar a embarcación a porto. Os tripulantes tiveron que saltar ao mar na balsa salvavidas. Segundo fontes de Salvamento Marítimo, foi pasadas as 09.30 horas cando o buque 'Día de Reyes' informou o centro de coordinación de Fisterra de que un barco sufrira unha vía de auga, quedando as súas dous únicos ocupantes nunha balsa á deriva.
Posteriormente, os dous mariñeiros foron rescatados sans e salvos por esa embarcación, que tamén se atopaba faenando na zona, e acudiu á chamada de socorro.
