O TSXG ratifica máis de 11 anos a un home por abusar sexualmente das súas netas políticas

A Sala do Civil e Penal do TSXG confirma a sentenza da sección sexta da Audiencia Provincial da Coruña na que condenou a once anos e tres meses de cárcere a un acusado de cometer tres delitos de abusos sexuais sobre as súas dúas netas políticas, menores de idade, e unha familiar. Ademáis, deberá pagar ás vítimas 55.000 euros en concepto de responsabilidade civil. 

A Sala indica na sentenza que a familiar vítima de abusos convivía co investigado e a súa parella. O TSXG considera probados os feitos baseándose, principalmente, na declaración da denunciante, “na que non se aprecian contradicións substanciais” e, ademáis, está corroborada polo informe pericial. En referencia aos feitos denunciados polas dúas netas políticas do acusado, o alto tribunal galego indica que aproveitou “a relación de confianza e afecto que tiña con elas” e que pasaban moitas fins de semana na súa casa para abusar frecuentemente delas.