Detidas sete persoas dun grupo criminal por roubo de cobre

Sete persoas foron detidas polo Equipo ROCA da Compañía da Garda Civil de Santiago de Compostela, en colaboración coa Garda Civil do Posto de Boimorto, tras desarticular un grupo criminal itinerante especializado no roubo de cable de cobre.

A operación Boicupru iniciouse na madrugada do 3 de xuño do ano en curso, ao detectar os compoñentes do Posto de Boimorto a presenza de varios individuos con actitude sospeitosa merodeando polo centro urbano desa localidade, observando ás poucas horas cortes masivos no tendido telefónico en zonas rurais dese municipio. As primeiras actuacións revelaron que os homes identificados en Boimorto formaban parte dun grupo criminal itinerante, que utilizaba vehículos de aluguer ou a nome de terceiros para o seu desprazamento polas diferentes provincias, tratando con iso de entorpecer o labor investigador dos corpos de seguridade.

Poucos días despois, a Garda Civil detecta novamente a presenza destas persoas na zona de Boimorto, polo que se establece un dispositivo de vixilancia sobre eles composto por efectivos do Equipo ROCA e do Posto de Boimorto. No transcurso dese operativo os gardas civís actuantes, ante a sospeita de que perpetraran o roubo de cable, procederon a interceptar a furgoneta utilizada polo grupo, achando no seu interior gran cantidade de cable de cobre xa pelado, oculto baixo mantas e plásticos.

Ante este achado, os gardas civís detiveron aos dous ocupantes da furgoneta como presuntos autores dun delito de roubo, outro de pertenza a grupo criminal e á incautación do vehículo e os efectos atopados.Tras a detención do primeiro vehículo, a outra furgoneta que se atopaba nas inmediacións, emprendeu a fuga a gran velocidade. Así, a Garda Civil iniciou o seu seguimento por estradas secundarias ata a estrada N-634, no termo municipal de Teixeiro, onde foi interceptada no dispositivo establecido nas inmediacións do acceso á autovía A-6, vía pola que tiñan previsto abandonar Galicia.