Manifestación en Vigo a favor dos refuxiados

A Rede Galega en Apoio ás Persoas Refuxiadas fixo este venres un chamamento aos vigueses e veciños da bisbarra para que acudan á manifestación que se celebrará o domingo, que sairá ás 11,30 horas dende A Dobrada en dirección ao Museo Marco baixo o lema 'Non ás guerras. Rachemos coa fronteiras'.

Esta plataforma, que integra aos sindicatos CC.OO., UGT, CIG e CUT, e a varios partidos políticos (como IU, Equo, BNG e PSdeG) e organizacións sociais, mostrará con esta mobilización o seu rexeitamento ás políticas migratorias da UE, e esixirá que se cumpra a legalidade internacional en materia de asilo para as miles de persoas que permanecen en asentamentos ou "vagando" por territorio europeo "en busca dun futuro".

Os impulsores desta protesta critican o "mercadeo" cos refuxiados e denuncian a "conivencia" do Estado español coas políticas da UE "que dan vergoña".