Traballadores do SAF e residencias privadas maniféstanse en Galicia por condicións salariais e laborais "dignas"

A CIG celebrou este xoves, en varias localidades, manifestacións con motivo da folga no Servizo de Axuda non Fogar (SAF) e nas residencias de maiores privadas. Concretamente, en Vigo manifestáronse desde a sede da concesionaria na rúa Filipinas 11; na Coruña saíron ás 18.00 horas desde o Obelisco; en Arteixo, ás 10.00 horas desde a residencia; na Laracha, ás 11.00 horas desde a residencia; e en Carballo, saída ás 12.00 horas desde a residencia DomusVi

As mobilizacións súmanse ás xornadas de folga previstas para, ademais da deste xoves, os días 24 e 25 de setembro. Con estas accións, esixen unhas condicións salariais e laborais "dignas" e un modelo de coidados que "antepoña o benestar das persoas ao lucro e egoísmo empresarial".

Demandan ademais o desbloqueo das negociacións dos convenios colectivos e reclaman a intervención da Consellería de Política Social, así como dos Concellos, como "os maiores responsables destes sectores esenciais, que logo esquecen o papel que desempeñaron estas traballadoras na COVID, que tantas vidas salvaron, e só serviu para que as empresas seguirán enriquecéndose".

A isto engaden a "falta se sensibilidade, humanidade e responsabilidade das administracións", pola tardanza en recibir unha resposta ante a demanda da CIG de negociar un protocolo para as situacións de violencia no sector de Axuda no Fogar, para evitar que, despois da desgraza ocorrida no concello do Porriño, situacións como esta non se volvan a repetir.

Rolda de prensa da CIG para convocar paros e mobilizacións en residencias de maiores e privadas e SAF, en Santiago de Compostela | Fonte: CIG