Sofía e Mateo, nomes máis frecuentes para nenas e nenos nados en Galicia en 2024
En comparación con 2023, Mateo ocupou entón o primeiro posto dos nomes masculinos, seguido por Martín, Hugo, Leo e Enzo, atopándose Lucas no sexto lugar
Por E.P. | SANTIAGO DE COMPOSTELA | 19/09/2025 | Actualizada ás 11:47
Sofía e Mateo foron os nomes preferidos polos galegos para nomear aos seus fillos nados en 2024, tal e como o recolle a estatística publicada este venres polo Instituto Galego de Estatística sobre os nomes dos neonatos galegos.
Nela sinálase, nunha lista de 50 nomes ordenados de maior a menor frecuencia, que o cinco máis empregados para nenos foron Mateo, Martín, Leo, Hugo e Lucas, mentres que para as nenas foron Sofía, Veiga, Noa, Martina e Olivia.
En comparación con 2023, Mateo ocupou entón o primeiro posto dos nomes masculinos, seguido por Martín, Hugo, Leo e Enzo, atopándose Lucas no sexto lugar. No caso dos femininos, Noa foi o nome máis empregado, seguido por Sofía, Olivia, Martina e Valeria.
