Galicia comeza este luns a campaña de vacinación fronte ao virus respiratorio sincitial
Sanidade prevé vacinar a recén nacidos, prematuros e menores de seis meses, despois de cubrir ao 98% dos nados na campaña pasada.
Por Europa Press / Redacción | Santiago de Compostela | 21/09/2025 | Actualizada ás 12:15
A Xunta, a través da Dirección Xeral Saúde Pública, comezará este luns unha nova campaña de inmunización fronte ao virus respiratorio sincitial (VRS) co fin de previr as hospitalizacións por este virus nos lactantes. Este luns comezará a administración desta vacina nos hospitais para todos aqueles bebés que nazan ata o fin da campaña en marzo de 2026.
O mesmo día iníciase a citación de bebés prematuros menores de 12 meses e lactantes con alto risco de enfermidade grave por este virus que sexan menores de 24 meses. Así mesmo, a partir do luns 29 de setembro serán convocados de forma activa os menores de seis meses que naceron entre o 1 de abril e o 21 de setembro de 2025.
A inmunización fronte ao virus que causa a bronquiolitis foi administrada a 12.719 nenos na pasada tempada. Isto representa o 100% de bebés con factores de risco, o 91,74% no caso dos recaptados en 2024 e o 98,27% dos bebés nados durante a última campaña.
