O Corredor do Morrazo permanecerá parcialmente cortado ao tráfico este sábado debido á realización de obras

A Consellería de Infraestruturas e Vivenda levará a cabo un corte de tráfico no Corredor do Morrazo para acometer traballos de estabilización dun noiro inmediatamente anterior ao viaduto da Moura, co obxectivo de garantir a plena seguridade dos usuarios e dos traballadores da obra da Autovía.

Así avanzouno durante a visita que realizou a Moaña (Pontevedra), xunto o director da Axencia Galega de Infraestruturas, Francisco Menéndez, para manter unha reunión coa alcaldesa, Leticia Santos, e co alcalde de Cangas, Xosé Manuel Pazos, para abordar as decisións técnicas que o avance dos traballos de desdobramento fai necesario adoptar.

Neste escenario, a conselleira explicou que, tras as voaduras das semanas pasadas, se detectou nese noiro en concreto o terreo reacciona de forma diferente ao inicialmente previsto. Ante esta situación, adoptouse a decisión primeira de acometer de forma preventiva estes traballos de estabilización, que farán necesario cortar o tráfico no corredor.

Ao respecto, sinalou que para iso se buscou minimizar a afección ao tráfico polo que se decidiu realizar os traballos de na xornada do sábado, cando habitualmente menos coches circulan por esa vía, e se empezarán as tarefas a primeira hora, ás 8,00 horas, para rematadas en canto sexa posible, no ámbito das 20,00 horas.

Ademais, o próximo luns realizaranse novas voaduras noutros puntos do trazado que obrigarán a realizar cortes de tráfico puntuais en diferentes momentos do día. Estes cortes estarán debidamente sinalizados e o tráfico regularase de forma manual.