O primeiro anuncio do ano 2017 en Antena 3, Telecinco, Cuatro e laSexta será de Estrella Galicia

O primeiro anuncio do ano 2017 en Antena 3, Telecinco, Cuatro e laSexta será de Estrella Galicia, que protagonizará o brinde tras as 'Campanadas' nas cadeas de televisión de Atresmedia e Mediaset España.

Segundo deron a coñecer dende a compañía, estas catro cadeas comezarán a emitir, a partir do próximo domingo, os anuncios de presentación das 'Campanadas' con Estrella Galicia co actor galego Manuel Manquiña como protagonista.

Neste sentido, adiantou que Manquiña reivindicará o seu dereito a estar presente na Porta do Sol o próximo sábado 31 de decembro, ao lado de Carlos Sobera e Lara Álvarez en Telecinco e Cuatro; Cristina Pedroche e Alberto Chicote en Antena 3; e Frank Blanco e Irene Junquera en laSexta.

"O humor é o 'leit motiv' desta campaña, que corre a cargo da axencia Ymedia na que o actor de Airbag se postula abertamente para conducir o programa especial das 'Campanadas' por poder brindar cunha Estrella Galicia esaxeradamente boa. Todo iso mentres Blanco e Pedroche e Álvarez e Sobera, en Atresmedia e Mediaset respectivamente, gozan ao máximo da festa cunha Estrella Galicia na man", relatou a empresa.