Deleite lanza unha gama sen lactosa
A marca lanzada por un grupo de gandeiros galegos xa se comercializa en seis cadeas de super e hipermercados.
Por E.P. | LUGO | 23/12/2016 | Actualizada ás 21:03
Deleite presentou este venres en Lugo a súa nova gama de leite sen lactosa, de maneira que saca ao mercado variedades de semidesnatado e desnatado.
A nova gama presentouse nun centro comercial cun concerto do grupo galego De Vacas. Deleite está na actualidade á venda en supermercados do grupo Vegalsa-Eroski, Carrefour, Alcampo, El Corte Inglés, Le Clerc e grupo Cuevas, así como en tendas tradicionais e hostalaría.
Esta marca volveu ao mercado hai sete meses impulsada por unha trintena de gandeiros galegos agrupados na sociedade Leite Noso. Actualmente ofrece contratos estables a 12 meses con 41 granxas provedoras. Recentemente chegou a un acordo de recollida cunha cooperativa da provincia de Lugo que estaba a pasar dificultades.
