O Paraninfo da USC acolle este mércores o segundo concerto do ciclo Novos Talentos Musicais

O Paraninfo da Universidade de Santiago de Compostela (USC) acolle este mércores, día 1 de marzo, o segundo ciclo do concerto do ciclo Novos Talentos Musicais.

O recital, de entrada libre ata completar aforamento, será ás 20,30 horas, e arrincará coa actuación da violinista Mariña Hermida Rodríguez, acompañada por Alina Pociute ao piano, con pezas de Bach e Mendelssohn.

A segunda parte do recital correspóndelle á clarinetista Melissa David Álvarez que, acompañada no piano por Brais González, interpretará obras de Bassi, Debussy e Kovács.

O broche porao o dúo Fírveda, composto pola violinista Mariña Hermida --que abrirá a xornada-- e a acordeonista Nerea Rodríguez Núñez.