A campaña 'Vivamos como galegos', de Gadis, recibe o premio AMPE de Ouro

A Asociación de Medios Publicitarios de España outorgou un AMPE de Ouro ao anuncio da campaña 'Vivamos como galegos' de Supermercados Gadis, segundo informa o grupo de distribución alimentaria.

En concreto, o anuncio 'Por un futuro á galega', no que se destaca a idiosincrasia desta comunidade, recibiu un AMPE de Ouro na categoría de televisión.

A Asociación de Medios Publicitarios de España está integrada por máis de 17 grupos e empresas dedicados profesionalmente ao desenvolvemento dos medios publicitarios en España, tanto os convencionais como os novos soportes e medios dixitais en liña.

'Vivamos como galegos', desenvolvida pola axencia BAP&Conde, é "unha das campañas máis descargadas de internet na historia da publicidade española", sinala Gadis nun comunicado.