Aliseda Inmobiliaria alcanza en 2016 unhas vendas por valor de 97 millóns de euros en Galicia

Aliseda Inmobilairia alcanzou en 2016 unhas vendas por valor de 97 millóns de euros en Galicia, segundo informou o seu director territorial, Gabriel Arias.

Sobre as operacións realizadas, explicou, en rolda de prensa, que se concentraron nas provincias da Coruña e Pontevedra.

De todas elas, máis de 800 inmobles, un 65% corresponden a obra nova e un 35% a segunda man, segundo os datos achegados polo director territorial. Ademais, precisou que o seu cliente maioritario en Galicia busca primeira residencia ou ben vivendas de reposición.

Así mesmo, sinalou que, na súa maioría, os compradores teñen entre 35 e 45 anos, contan con capacidade media de aforro "e precisan necesidades de financiamento do 80 ou do 90%".

Sobre o tipo de inmobles, indicou que a maioría están nunha pinza de prezos entre os 80.000 e os 120.000 euros.