S.O.S. do Concello das Neves

Colectivos do Concello das Neves acaban de mandar un S.O.S a todos os galegos. Piden axuda para reconstruir o pouco que quedou neste concello logo do terrible domingo negro da vaga de lumes. Por iso fan unha chamada de "axuda concreta". Nada de axuda humanitaria como a auga embotellada que trouxeron os neonazis de Hogar Social de Madrid.

Reclaman voluntarios con habilidades concretas, desde fontaneiros ata avogados. Así, piden electricistas, enxeñeiros, arquitectos, fontaneiros, programadores informáticos ou avogados que "poidan botar unha man de xeito altruísta".

Así, indican que "hai problemas de todo tipo" e que os máis inminentes son o subministro eléctrico e danos estruturais, principalmente, en naves industriais e agrícolas. Fan fincapé, sobre todo,  na necesidade de agrónomos, forestais, biólogos e avogados para que axuden, tamén, a tramitar axudas e denuncias.